“Bu, həm demokratik düşərgəyə, həm də xalqa xəyanətdir“

Tarix: 29.11.2012 | Saat: 21:10:00 |

Fikrət Cəfərov: "Müxalifət ziyalıların çağırışına münasibət bildirməlidir" Klassik Xalq Cəbhəsi Partiyası (KXCP) daxilində yaradılmış "Demokratik Birlik" fraksiyasının həmtəsisçisi Fikrət Cəfərli Teleqraf.com-un suallarını cavablandirib. - Bir neçə gün öncə Ziyalılar Forumu müraciətlə çıxış edib. Müraciətdə müxalifətin birləşməsinin vacibliyi önə çəkilir. Özünü real müxalifət sayan partiyaların birləşməsinə nə mane olur? - Bəyanatda ziyalılar ölkədə və dünyada baş verən ictimai-siyasi proseslərə işıq salıblar. Problemləri aydın şəkildə göstərən ziyalılar hakimiyyətə və müxalifətə çağırış ediblər. Azərbaycanı katakalizmlərdən qorumaq üçün iqtidar islahatlara getməli, müxalifət isə birləşməlidir. Yaxşı olardı ki, özünü real müxalifət sayan qüvvələr ziyalıların çağırışına münasibət bildirsinlər və birləşmək üçün real addımlar atsınlar. Ümid edirəm ki, müxalifət ziyalıların çağırışını düzgün qiymətləndirib, Azərbaycanda demokratiyanın qurulması üçün birgə səylər göstərəcəklər. Partiyaların təmərküzləşməsi vacibdir. Koorporativ maraqları kənara qoyub milli, dövlətçilik maraqları naminə birlik əldə olunmalıdır.Yoxsa, ölkəni fəlakətdən qurtarmaq mümkün olmayacaq. İqtidar qədər müxalifət də məsuliyyət daşımış olacaq. İqtidarın mövqeyi aydındır. Amma müxalifət bu reallığı düzgün qiymətləndirib, konkret addım atmalıdır. Zaman Azərbaycanın əleyhinə işləyir. Ölkədə demokratiya sahəsində problemlər, demokratiya imitasiyası var. Bunun qarşısını almaq, insanlarımızın azad cəmiyyətdə yaşamaq hüququnu bərpa etmək üçün tezliklə qərar verilməli və cəmiyyətə ilk mesaj çatdırılmalıdır. - Məlum hadisələrdən sonra KXCP-nin real müxalifətlə birləşmək həvəsi varmı? - KXCP-nin demokratik proseslərdən kənarda qalması müvəqqəti xarakter daşıyır. Partiya daxildə yaradılmış və cəbhəçilərin böyük əksəriyyətinin dəstəyini qazanmış "Demokratik Birlik" fraksiyası müxalifətin təmərküzləşməsi prosesində yaxından iştirak edir və bundan sonra da edəcək. Əgər partiyanın rəhbərliyində təmsil olunan müəyyən şəxslər, sədr kənarda qalacaqsa, birləşmə prosesini "Demokratik Birlik" fraksiyası özü aparacaq.

“KXCP-nin siyasi kursunda qəbulu mümkün olmayan məqamlar var” - MÜSAHİBƏ

Tarix: 26.09.2012 | Saat: 13:01:00 | E-mail | Çapa göndər

Fikrət Cəfərov: “Yaratdığımız fraksiyaya yaxın vaxtlarda yeni-yeni insanlar qoşulacaq” Klassik Xalq Cəbhəsi Partiyası (KXCP) sədrinin əlaqələr üzrə müavini Fikrət Cəfərov “Gündəlik Teleqraf”a müsahibə verib. Müsahibəni təqdim edirik. - Saytların birində dərc olunan yazınızda Ziyalılar Forumunun üzvü, professor Rafiq Əliyevin 2013-cü ilin prezident seçkilərində müxalifətin vahid namizədi olmasını təklif etmisiniz. Digər tərəfdən isə AXCP ilə birləşməyə çağırış edirsiniz. AXCP-nin sədri artıq seçkidə iştirak edəcəyini açıqlayıb. Bu baxımdan fikirləriniz ziddiyyət yaratmırmı? - Birləşmə, birlik ideyası bəşər yaranandan bəri insanlar arasında hər zaman aktual olub. Birləşmə əslində barışıq təklifidir. Mən hələ görməmişəm ki, barışıq əleyhinə kimsə hansısa fikir söyləsin. Barışıq sülhə nail olmaqdır və bütün umu-küsüləri kənara qoymaq, narazıları bir araya gətirmək və vahid mövqedən çıxış etməkdir. Bunun ziddiyyət yaratdığına dair fikirləri anlaya bilmirəm. Təbii ki, hər bir kəsin öz mövqeyi var və öz mövqeyini ifadə etməkdə azaddır. O ki qaldı, Rafiq Əliyevin namizədliyinin irəli sürülməsinə, bu təklif zərurətdən irəli sürülən bir təklifdir. Çünki bütün demokratik qüvvələr seçki ərəfəsində və bütün fəaliyyətləri boyu vahid mövqedən çıxış etməyə çalışırlar. Amma son nəticədə buna nail ola bilmirlər. Təbii ki, koorporativ, obyektiv və subyektiv səbəblər buna imkan vermir. Ona görə də hesab edirəm ki, Rafiq Əliyev bütün siyasi qüvvələrin maraqlarını təmin edə və Azərbaycanın elm və ziyalı elitasının müxalifətlə birgə addımlamasına stimul verə bilən bir insandır. O çox dəyərli bir ziyalıdır, Azərbaycan elmini dünyada tanıdan bir alimdir. İddialı, ambisiyalı insan da deyil. Digər tərəfdən, o, yalnız keçid dövrü üçün birləşmiş müxalifətin namizədi olur, birləşdirici fiqur kimi öz ətrafında hər kəsi birləşdirir.

Fikrət Cəfərov: “Məqsədimiz partiyanın mövqeyini gücləndirməkdir“

Tarix: 04.10.2012 | Saat: 20:45:00 | E-mail | Çapa göndər

Klassik Xalq Cəbhəsi Partiyasının (KXCP) üzvü, partiya daxilində yaradılan «Demokratik Birlik" fraksiyasının yaradıcılarından olan Fikrət Cəfərov Teleqraf.com-un suallarını cavablandırıb. - Sizin KXCP-nin sədr müavinliyindən istefanızı məğlubiyyət, geri çəkilmək kimi qiymətləndirmək olarmı? - İstefamızın səbəbi geri çəkilmək kimi yox, fraksiyanın işinə daha da çox vaxt ayırmaq kimi qiymətləndirilməlidir. Bəzi dostlar bizim partiyada tutduğumuz rəhbər mövqelərdən istifadə edib fraksiya yaratdığımızı bildirirdilər. Bu bəhanələrin, arqumentlərin yanlış olduğunu sübut etmək üçün rəhbər vəzifələrdən istefa verdik və bizim üçün statusun bu kimi məsələlərdə elə də bir əhmiyyəti olmadığını göstərdik. Status bizləri yox, bizlər statusu status etmişdik. Fraksiyanı təsis edənlər üçün status məsələsi elə də əhmiyyətli məsələ deyil. Bizim üçün əhmiyyətli məsələ partiyanın nüfuzuna dəymiş zədələri aradan qaldırmaqdırr. Sıravi partiya üzvləri kimi mübarizəmizi davam etdirəcəyik və məqsədimiz də dediyimiz kimi, partiyanın müxalifətdəki mövqeyini gücləndirmək və KXCP-ni başının üstünü almış "qara buludlar"dan xilas etməkdir. Fraksiyanın üzərinə böyük yük düşür. Partiyanın rayon təşkitlatlarında görüşlər keçirəcəyik. Üzvlərimizdən partiyada mərkəzdənqaçma meyillərinin qarşısının alınmasında bizlərə dəskər olmalarını istəyəcəyik.

KXCP-dəki “Demokratik Birlik” fraksiyası geniş müşavirə keçirəcək

Tarix: 04.10.2012 | Saat: 12:53:00 |

“Klassik Xalq Cəbhəsi Partiyasının daxilində fəaliyyət göstərən “Demokratik Birlik” fraksiyasının tərəfdarlarından ibarət geniş formatda müşavirə keçiriləcək”. Bu açıqlamanı APA-ya Klassik Xalq Cəbhəsi Partiyasının (KXCP) sədrinin keçmiş müavini, “Demokratik Birlik” fraksiyasının həmtəsisçisi Fikrət Cəfərov deyib. F.Cəfərov bildirib ki, müşavirəyə hazırlıq istiqamətində zəruri işlər aparılır və yaxın vaxtlarda toplantının keçiriləcəyi tarix müəyyənləşdiriləcək: “Müşavirədə partiyanın sıravi üzvləri ilə yanaşı, bizim qrupu dəstəkləyən ölkənin siyasi xadimləri də iştirak edəcək. Bu proses artıq başlayıb və qarşısını almaq mümkün deyil”. F.Cəfərov yaranmış vəziyyətdən çıxış yolunun tapılması məqsədilə partiyanın növbədənkənar qurultayının çağırılmasına dair təkliflərin hələ gündəmdə olmadığını da söyləyib: “Ola bilər ki, partiyanın sədri Mirmahmud Mirəlioğlu vəziyyətdən çıxış yolu tapmaq üçün bir qədər düşündü və mövcud situasiyanı dəyərləndirdi. Bəlkə o, yeni bir şeylər təklif etdi. Əgər proses bu vəziyyətdə davam edəcəksə, əlbəttə ortaya bu və ya digər təkliflər meydana çıxa bilər”.  Teleqraf.com

Xəbər 56 dəfə oxundu

KXCP sədrinin daha bir müavini istefa verdi

ÇƏRŞƏNBƏ, 03 OKTYABR 2012 14:24

“Partiya rəhbərliyinin bu qərara münasibəti mənim üçün əhəmiyyətli deyil”

KXCP sədrinin daha bir müavini istefa verib. Bu dəfə sədr müavinliyindən uzaqlaşmaq qərarını verən Fikrət Cəfərov olub. “Azadlıq”a açıqlamasında F.Cəfərov partiya üzvlüyündən çıxmadığını, yalnız sədr müavinliyi və Ali Məclis üzvlüyündən istefa verdiyini bildirib:

“Bəziləri deyirlər ki, təşkilatda hansısa statusun arxasında gizlənib fraksiya yaratmışıq və cəbhəçilərlə iş aparırıq. Mən də onlara sübut etmək istəyirəm ki, bəzilərindən fərqli olaraq statusumdan sui-istifadə etmirəm. Fərdi şəkildə KXCP-nin mövqelərindən sapanları bu yoldan yayındıracaq, partiyamızı müxalifətin əsas mərkəzinə çevirəcəyik”.

Qərara partiya rəhbərliyinin necə yanaşdığına gəlincə, F.Cəfərov bununla bağlı rəhbərliklə söhbətlərinin olmadığını bildirdi: “Partiya rəhbərliyinin bu qərarı necə qarşılayacağı mənim üçün əhəmiyyətli deyil. Mənim üçün KXCP-nin Əbülfəz Elçibəyin qoyduğu siyasi kursla getməsi və özünün siyasi müttəfiqləri ilə birgə olması maraqlıdır. Kimsə bu yoldan sapacaqsa, ayrı xətlə gedəcəksə, biz bunun qarşısını almağa çalışacağıq. Kimin nə deməyindən asılı olmayaraq partiyadan getmək fikrim yoxdur. Hələ görəcəyimiz işlər çoxdur”.

HƏBSDƏKİ MÜXALİFƏTÇİLƏR ACLIĞI DAYANDIRDI

06.08.2010 [9:49]

Siyasət

HƏBSDƏKİ MÜXALİFƏTÇİLƏR ACLIĞI DAYANDIRDI

Elçin Behbudov: “Etiraz aksiyasını yalnız Fikrət Cəfərov davam etdirir”

Daxili İşlər Nazirliyinin inzibati həbs olunanların saxlanma məntəqəsində saxlanılan müxalifət partiyalarının bir qrup üzvü üç gündür keçirdiyi aclıq aksiyasını dünəndən etibarən dayandırıb. Bu məlumatı qəzetimizə İşgəncələr Əleyhinə Komitənin sədri Elçin Behbudov verib.

“Məntəqənin rəisi ilə əlaqə saxladım. Uşaqların vəziyyəti ilə maraqlandım. Rəis bildirdi ki, Fikrət Cəfərov aclığı davam etdirir, qalanları isə artıq aclıq aksiyasını dayandırıblar. Aclıq aksiyası keçirmiş müxalifətçilər iddia edir ki, onlar təcridxanaya gətirildikləri günün səhəri içəri bir mülki geyimli şəxs girib və onları nalayiq ifadələrlə təhqir edib. Həmin şəxsin kimliyini müəyyənləşdirəcəyəm. Təxmin edirəm onun kimliyini. Hər halda tam əmin olmamış adını açıqlamaq istəmirəm. Bu məsələni araşdırmaq üçün Daxili İşlər Nazirliyinə müraciət etmişəm. Yəqin ki, onlar bu məsələni araşdırandan sonra bizə cavab verəcəklər”, - deyə E.Behbudov bildirib.

AXCP sədrinin müavini Fuad Qəhrəmanlı isə “Yeni Müsavat”a açıqlamasında bildirdi ki, partiya sədri Əli Kərimli saxlanan müxalifətçilərdən aclıq aksiyasını dayandırmağı xahiş edib: “Dünən (srağagün-red.) 10 nəfərdən 4-ü aclığı dayandırmışdı. AXCP sədri Əli Kərimli aclığı dayandırmaları üçün aksiyaçılara müraciət edib. Məlum olduğu kimi, Ombudsman Aparatının nümayəndələri və hüquq müdafiəçisi Elçin Behbudov da artıq onlara baş çəkib. Ombudsman Aparatının nümayəndələri söz veriblər ki, bu məsələni araşdıracaqlar. Biz də çalışırdıq ki, aclıq aksiyası dayandırılsın. Çünki məsələ artıq kifayət qədər ictimailəşib, cəmiyyətin diqqəti bu problemə yönəldilib. Yəqin ki, onlar partiya sədri Əli Kərimlinin müraciətini nəzərə alıblar”.

Nəzərə çatdıraq ki, Daxili İşlər Nazirliyinin mətbuat xidmətindən isə deyilənləri təkzib ediblər. Nazirliyin mətbuat xidmətinin əməkdaşı Ehsan Zahidov təcridxanaya mülki geyimli şəxs kimi yalnız müstəntiqin girə biləcəyini deyib və iddia edib ki, müxalifətçilərin aclıq aksiyası keçirməsi onların özlərini gündəmdə saxlamasından başqa bir şey deyil.

Qeyd edək ki, müxalifət partiyalarının iyulun 31-də Bakıda keçirilən icazəsiz aksiyası zamanı iştirakçılardan 10 nəfəri saxlanılıb. DİN inzibati həbs olunanların saxlanma məntəqəsində saxlanılan şəxslər avqustun 2-də aclıq aksiyasına başlamışdı. Buna səbəb kimi saxlanma məntəqəsinə yoxlamaya gələn polis əməkdaşının aksiyaçıları təhqir etməsi göstərilib.

Zülfiyyə SAKİTQIZI

BİR QRUP QHT AKSİYA KEÇİRƏCƏK

05.08.2010 [9:16]

Ölkə

BİR QRUP QHT AKSİYA KEÇİRƏCƏK

Onlar İnsan Hüquqları və Qanunların Təbliği İctimai Birliyinin sədri Fikrət Cəfərovun həbsinə etiraz edirlər

Dünən bir qrup QHT bir araya gələrək etiraz aksiyaları zamanı vətəndaşlara qarşı polis zorakılığını pisləyən bəyanat yaydılar. Onlar bildirdilər ki, aksiyalar zamanı QHT rəhbərləri və mətbuat nümayəndələri də təzyiqlərə məruz qalıblar.

Demokratik İslahatlar Uğrunda Cəmiyyətin rəhbəri Oqtay Güləliyev bildirdi ki, 31 iyul aksiyası zamanı polis təzyiqinə məquz qalanlar arasında KİV nümayəndələri və QHT nümayəndələri də olub: “İnsan Hüquqları və Qanunların Təbliği İctimai Birliyinin sədri Fikrət Cəfərov aksiya zamanı saxlanılıb və ona 8 sutkalıq həbs cəzası verilib. Aksiyanı izləyən digər QHT rəhbərləri isə polis zorakılığına məruz qalıblar. Bundan başqa ”Demokrat" qəzetinin baş redaktoru Mustafa Hacıbəyli saxlanılaraq polis bölməsinə aparılıb. Ölkədə sərbəst toplaşmaq problemi var. Hətta mitinqi müşahidə etməyə gələn QHT rəhbərləri də təzyiqlərə məruz qalırlar. Hakimiyyət bütün institutlarına etiraz aksiyası keçirmək üçün yerlər ayırmalıdır. Gələn həftə QHT -lərə təzyiqlə bağlı aksiya keçirmək niyyətindəyik".

Seçkiöncəsi vəziyyəti təhlil edən O.Güləliyev bildirdi ki, ATƏT, eləcə də digər beynəlxalq təşkilatlar ölkədə baş alıb gedən özbaşınalıqlara qarşı daha sərt mövqe tutmalıdırlar.

MİTİNQ MƏHBUSLARI ACLIĞA BAŞLADI

04.08.2010 [9:39]

Gündəm

MİTİNQ MƏHBUSLARI ACLIĞA BAŞLADI

Bu gün ATƏT nümayəndələri, deputatlar, hüquq müdafiəçiləri təcridxanada aksiya keçirən müxalifətçilərlə görüşəcək

İyulun 31-də müxalifətin birgə mitinqində saxlanılan sonradan isə məhkəmə qərarı ilə həbs edilən şəxslər dünən səhər saatlarından Binəqədi müvəqqəti saxlanma təcridxanasında aclıq aksiyasına başlayıblar. Onların aclığa başlamasına səbəb avqustun 2-də bir neçə mülki geyimli şəxsin müxalifətçilərin saxlandığı kameraya girərək onları ağır ifadələrlə təhqir etməsidir.

Aclığa başlayanların yeddisi AXCP üzvü, ikisi müsavatçı, biri bitərəfdir. Xatırladaq ki, mitinq günü Səbayel Rayon Məhkəməsi Rüfət Hacıbəyli, Bayram Bayramov, Məcid Mərcanlı, İnqilab Kərimov, Ağaşirin Tanrıverdioğlu, Vasif Alışov, Fikrət Cəfərov 10, Əflatun Əhmədzadə 8, Vüqar Qədirov və Məhəmməd Məcidli barəsində 7 sutkalıq həbs qərarı verib.
AXCP sədrinin müavini Fuad Qəhrəmanlı “Yeni Müsavat”a açıqlamasında bildirdi ki, dünən cəbhədən mitinq məhbuslarının saxlanıldığı təcridxanaya gedən olmayıb. Onun sözlərinə görə, dünən həbsdəkilərə baş çəkmək növbəsi Müsavat Partiyasının olub: “Arif Hacılı mənə dedi ki, həbsdəkilərə aparılan ərzaq və digər ləvazimatları içəri buraxmayıblar. Həbsdəkilərə bizimlə əlaqə saxlamağa da imkan verilməyib”.
F.Qəhrəmanlı bildirdi ki, məsələ ilə bağlı hüquq müdafiəçilərinə, səfirliklərə, Ombudsman Aparatına müraciət olunub: “Mümkün qədər hadisəni daha çox ictimailəşdirməyə çağırırıq”.
F.Qəhrəmanlı həmçinin AXCP-nin məsələ ilə bağlı bəyanat  verdiyini vurğuladı.
AXCP sədrinin köməkçisi Faiq Əmirov isə söylədi ki, məsələ ilə bağlı ATƏT-in  Bakı ofisinə müraciət ediblər. Onun sözlərinə görə, ATƏT nümayəndələri bu gün təcridxanada aclığa başlayan müxalifətçilərə baş çəkəcəklər. ATƏT onları hüquqşünasla da təmin edəcək.
Müsavat Partiyası Mərkəzi İcra Aparatının rəhbəri Arif Hacılı isə məsələ ilə əlaqədar dünən Bakı Şəhər Baş Polis İdarəsinin (BŞBPİ) rəis müavini, general Yaşar Əliyevlə əlaqə saxladığını bildirdi. Y.Əliyev Müsavat funksionerinə təcridxanada saxlanılan müxalifətçilərə təzyiq göstərilməsinin qeyri-mümkün olduğunu deyib. General müxalifətçilərə aparılan yeməklərin qəbul olunmamasını isə BŞBPİ-dən təcridxanaya daha keyfiyyətli yeməklərin göndərilməsi ilə əlaqələndirib. A.Hacılı bildirdi ki, hüquq-müdafiə təşkilatları təcili olaraq təcridxanaya getməli və məsələyə aydınlıq gətirməlidirlər.
İşgəncələr Əleyhinə Azərbaycan Komitəsinin rəhbəri Elçin Behbudov bizimlə söhbətində məsələ ilə maraqlandığını dedi: “Aksiya zamanı saxlanılanlar Bakı Şəhər Baş Polis İdarəsinə tabe olan və Binəqədidə yerləşən inzibati həbs olunanların saxlanılma məntəqəsindədir. Məlumat mənə daxil olan kimi təcridxananın rəisi ilə əlaqə saxladım. Rəis mənə dedi ki, gəlib onlarla görüşə bilərsiniz. Burda nə aclıq edən, nə də döyülən var”.
E.Behbudov bu gün təcridxanada saxlanılanlara baş çəkəcəyini bildirdi.
Daxili İşlər Nazirliyi (DİN) mətbuat xidmətinin rəis müavini Ehsan Zahidov müxalifətçilərin təcridxanada təzyiqə məruz qalmasını təkzib edib.  O, “Azadlıq” radiosuna açıqlamasında bildirib ki, saxlananların kimlərsə tərəfindən təhqir olunmasına əsas görmür və hesab edir ki, bu, müxalifətçilərin özlərini gündəmdə saxlamaq istəyi ilə bağlıdır.
Müsavat deputat qrupu da məsələ ilə bağlı DİN-ə, Ədliyyə Nazirliyinə, Ombudsman Aparatına və digər aidiyyəti qurumlara müraciət ünvanlayıb. Bu haqda məlumatı “Yeni Müsavat”a deputat qrupunun üzvü Pənah Hüseyn verdi. P.Hüseyn bildirdi ki, müxalifətçilərin saxlandığı təcridxana DİN-in tabeçiliyindədir. Deputat qrupu DİN-dən məsələyə aydınlıq gətirilməsini tələb edib.
Onun sözlərinə görə, bu gün Müsavat deputat qrupunun üzvləri təcridxanaya gedəcək. Nazirlikdən isə deputatlara bildirilib ki, hüquq müdafiə təşkilatları bu gün təcridxanada saxlanılan şəxslərə baş çəkə bilərlər. Mövzunu diqqətdə saxlayacağıq.

Leyla İLQAR

31 İYUL MİTİNQİNƏ GÖRƏ 10 NƏFƏR HƏBS CƏZASI ALDI

02.08.2010 [9:53]

Siyasət

31 İYUL MİTİNQİNƏ GÖRƏ 10 NƏFƏR HƏBS CƏZASI ALDI

İsa Qəmbər: “Hakimiyyət hər zamankından daha artıq narahatlıq göstərir”
Mirmahmud Mirəlioğlu: “Aksiyanın nəticələri hakimiyyəti elə əndişələndirib ki...”

Fuad Qəhrəmanlı: “AXCP və Müsavat hakimiyyətin qadağaları ilə hesablaşmaq fikrində deyil”

İki gün öncə müxalifət paytaxtda ilk birgə mitinqini keçirdi. Aksiya zamanı mitinq iştirakçıları polis zorakılığına məruz qaldı, yüzdən artıq şəxs saxlanıldı. Mitinqə qatılan partiyalardan aldığımız xəbərə görə, aksiyada iştirak etdiklərinə görə polis tərəfindən saxlanılan18 nəfərin işi məhkəməyə göndərilib.

Səbayel Rayon Məhkəməsinin qərarı ilə Rüfət Hacıbəyli, Bayram Bayramov, Məcid Mərcanlı, İnqilab Kərimov, Ağaşirin Tanrıverdioğlu, Vasif Alışov, Fikrət Cəfərov 10,  Əflatun Əhmədzadə 8, Vüqar Qədirov və Məhəmməd Məcidli barəsində 7 sutkalıq həbs qərarı verilib.  Elməddin Şükürov, Əbülfəz Qurbanlı, Dəyanət Babayev, Səfər Cavadov  və Zaur Ağayev 25 manat, Elmar Mürsəlli və Xalid Qarayev 20 manat məbləğində cərimələniblər. Məhkəməyə çıxarılan şəxslərin14-ü AXCP, 3-ü Müsavat, 1-i KXCP üzvüdür.  “Demokrat” qəzetinin əməkdaşı Nurməmməd Xanlarova xəbərdarlıq edilərək buraxılıb. Dünən  mitinqin yekunlarına dair müxalifət liderlərinin mövqeyini öyrəndik.
Müsavat başqanı İsa Qəmbər müxalifətin birgə mitinqini yüksək qiymətləndirdiyini söylədi: “Çünki ilk dəfədir ki, Müsavat Partiyası, AXCP, KXCP və Demokratiya Uğrunda İttifaqa daxil olan partiyalar birgə mitinq keçirdilər. Bu mitinqdə müstəqil insanlar da iştirak edirdilər. Kifayət qədər təsirli aksiya oldu. Demokratik qüvvələr şəhərin mərkəzində bir daha öz siyasi iradələrini və mövqelərini ifadə etdilər, azad seçki, sərbəst toplaşmaq azadlığının, söz azadlığının bərpasını tələb etdilər,  rejimə  və korrupsiyaya qarşı şüarlar səsləndirdilər”. İnternetdən dünya mətbuatını izlədiyini bildirən Müsavat başqanı bildirdi ki, xarici mətbuatda Bakıda ciddi etiraz aksiyasının keçirildiyi və  kifayət qədər əks-səda doğurduğu qeyd olunub: “Hakimiyyətin hər zamankından daha artıq narahatlıq göstərməsi də göz qabağındadır. Aksiya zamanı mülki geyimlilər fəallaşmışdılar. Həddən artıq saxlanılanlar oldu. Hər zamankından daha çox məhkəmə cəzaları verildi. Növbəti qanunsuzluq həyata keçirildi. Heç bir əsas olmadan 10, 8, 7 sutka həbs cəzası alanlar oldu. Son zamanlar hakimiyyətin ”icad etdiyi" qeyri-qanuni aksiya həyata keçirildi. Mən son zamanlar etiraz edən aksiya iştirakçılarının Qobustana aparılmasını nəzərdə tuturam. Bir daha qeyd edirəm ki, mitinqin qarşısının alınması və  etirazçıların saxlanması, inzibati cəzaların verilməsi  hakimiyyət tərəfindən qanuna zidd hərəkətlərdir. Amma mitinqçilərin tutularaq onların şəhərdən kənara aparılması girovgötürmə hadisəsidir. Bu, qanunda nəzərdə tutulmayan cəza növüdür. Hesab edirəm ki, biz də bu məsələnin üzərinə daha ciddi şəkildə getməliyik. Hakimiyyət də bu yanlışlığın nəticəsini hiss etməli və görməlidir". Müxalifət partiyalarının rayonlara birgə səfər planlarının olub-olunmadığına gəlincə, Müsavat başqanı dedi ki, hazırda DUİ ilə məsləhətləşmələri davam etdirirlər: “AXCP ilə də məsləhətlərimiz başlayıb. Seçkidə birgə iştirakın variantlarını axtarırıq. Dairələrdə namizədlərimizi razılaşdırmağa çalışırıq. Bu məsələlər həll olunsa, digər  məsələlər də öz həllini  tapacaq”.
KXCP sədri Mirmahmud Mirəlioğlu dedi ki,  iyunun 31-də normal aksiya keçib: “Aksiyanın nəticələri hakimiyyəti çox əndişələndirib ki, etirazçıları eramızdan əvvəlki dövrə ”səyahətə" göndərməyə məcbur qalıb. Qobustanı nəzərdə tuturam. Bu, o deməkdir ki. onların özləri hələ daş dövründədirlər.  Daş dövründə olan insanların cəmiyyətə baxışlarını dəyişdirib XXI əsrə gətirmək lazımdır".
AXCP sədrinin müavini Fuad Qəhrəmanlı müxalifətin aksiyasının uğurlu keçdiyi qənaətindədir.  Onun fikrincə, birgə mitinq qərarı cəmiyyətdə müsbət qarşılanıb: “Birləşmiş müxalifət bu aksiya vasitəsilə Azərbaycanda seçkiqabağı mühitin və sərbəst toplaşma azadlığının olmadığı məsələsini gündəmə gətirdi. Hakimiyyət mitinq müraciətlərinə rədd cavabı verirdi.  Müxalifət birgə iradə ortaya qoyaraq hakimiyyətin bu cür qadağalarını əhəmiyyətsizləşdirməyə nail oldu. AXCP və Müsavat  hakimiyyətin qadağaları ilə hesablaşmaq fikrində deyil”.
F.Qəhrəmanlı seçkiqabağı siyasi mübarizənin davam etdiriləcəyini bildirdi: “Mitinqin isti, əlverişsiz yay günlərində keçirilməsi onu göstərdi ki, ən çətin və aqressiv şəraitdə müxalifət siyasi əzmini göstərmək gücündədir. Son on ilin yayında Bakıda belə aktiv mübarizənin olduğunu xatırlamıram. Müxalifət ciddi psixoloji üstünlüyə malik olduğunu göstərdi. Polisin müqavimətinə baxmayaraq, aksiya iştirakçılarının israrlı şəkildə prosesi davam etdirməsi müxalifətin bazasının kifayət qədər mübariz əhval-ruhiyyədə olduğunu nümayiş etdirdi”. Aksiyanın şəhərin mərkəzində insanların daha çox olduğu yerlərdə keçirilməsi müxalifətin diqqətini fəal mübarizə taktikasına yönəltdi".
F.Qəhrəmanlı bildirdi ki, hazırda seçki blokunun yaradılması barədə müzakirələr gedir: “Çalışırıq ki, Müsavat və KXCP arasında inteqrasiya proseslərini dərinləşdirək. Bu baxımdan Əli Kərimli AXCP ilə Müsavat Partiyasının Divanının və Rəyasət Heyətinin birgə toplantılarının keçirilməsi təklifini verib. Birgə fəaliyyətin planlaşdırılması istiqamətində ciddi nəticələr əldə etmişik. Xeyli sayda seçki dairələrində birgə razılaşmalarımız var. Seçki kampaniyası zamanı rayonlarda tədbirlərimiz də birgə keçiriləcək. Biz seçkiyə blok halında qatılmaqda israrlıyıq”. F.Qəhrəmanlı qeyd  etdi ki, blok elan olunandan sonra partiyaların ölkə boyu fəaliyyəti ciddi koordinasiya olunacaq və bütün spektr nəzərə alınacaq.

Leyla İLQAR

BİRLƏŞMİŞ MÜXALİFƏTİN İCAZƏSİZ MİTİNQİ BAKINI SİLKƏLƏDİ

01.08.2010 [9:37]

Gündəm

BİRLƏŞMİŞ MÜXALİFƏTİN İCAZƏSİZ MİTİNQİ BAKINI SİLKƏLƏDİ

Şəhərin mərkəzində keçirilən aksiya zorakılıqla dağıdıldı, 150 nəfərdən çox müxalifətçi saxlanıldı, 17 nəfər məhkəməyə aparıldı.Dünən Müsavat, AXCP və Demokratiya Uğrunda İttifaqa (DUİ) daxil olan partiyalar Bakının mərkəzində “Fəvvarələr” meydanında birgə razılaşdırılmamış mitinq keçirdilər. Saat 17:00-a təyin olunan aksiya vaxtından 15 dəqiqə əvvəl başladı. Yüzlərlə etirazçının iştirak etdiyi aksiyanı dağıtmaq üçün polis zorakılığa əl atdı.

Həbslər mitinqdən öncə başladı...

Qeyd edək ki, mitinqöncəsi həbslər dünən səhər saatlarından başlamışdı. AXCP sədrinin müavini Fuad Qəhrəmanlı, ADP üzvləri Kamal və Orxan Hüseynovlar evlərindən çıxarkən polis tərəfindən həbs olunmuşdular. Mitinqə hələ xeyli qalmışdan metronun “28 May”, “Sahil”, “İçərişəhər” stansiyalarına giriş və çıxış məhdudlaşdırılmışdı. Eyni zamanda Heydər Əliyev adına sarayın qarşısındakı park, “Sahil”, “Malakan” və “Sabir” adına bağlar polis nəzarəti altına alınmışdı. Bundan əlavə, “Fəvvarələr” meydanı ərazisindəki mağaza, restoran və kafelər müvəqqəti qapadılmışdı. Aksiya başlamazdan öncə əraziyə xeyli polis qüvvələri cəlb olunmuş, mitinqçiləri doldurub ərazidən uzaqlaşdırmaq üçün avtobuslar gətirilmişdi.
Saat 16:45-də birləşmiş müxalifətin sanksiyalaşdırılmamış birgə mitinqi başladı. Əvvəlcədən aksiyanın Bakı Şəhər İcra Hakimiyyətinin binası qarşısında keçiriləcəyi elan olunsa da, müxalifətçilər yenicə istifadəyə verilmiş “Fəvvarələr” meydanından həmlə etdilər. İlk olaraq “Nərgiz” Ticarət Mərkəzinin qarşısında onlarla cəbhəçi bir yerə toplaşaraq şüarlar səsləndirdilər. Bu zaman polis “Azad seçki!”, “Qarabağ!” və “İlham Əliyev, get!” şüarları səsləndirən müxalifətçilərin ağızlarını yumub, avtobuslara doldurdu. Ərazidə baş verən qarışıqlıq zamanı təxminən 50 nəfərə yaxın AXCP üzvü saxlanıldı. Onlar Səbayel Rayon Polis İdarəsinin 8, 9 və 39-cu bölmələrinə aparıldılar.

Mitinq zorakılıqla dağıdıldı, yüzlərlə etirazçılar həbs olundu

Saat 17:00 radələrində müsavatçılar partiyanın Mərkəzi İcra Aparatının rəhbəri Arif Hacılının rəhbərliyi ilə “Fəvvarələr” meydanına doğru yürüş etməyə başladılar. Aksiya iştirakçıları plakatlarla yanaşı “Azadlıq!”, “Azad seçki!”, “Qarabağ!”, “İstefa!” şüarları səsləndirərək irəliləməyə cəhd etdilər. Polis onları saxlamaq üçün hərəkətə keçdi. Polislər Müsavat Gənclər Təşkilatının sədri Tural Abbaslıya qarşı xüsusi amansızlıq göstərdilər. Onlar gənc fəalın şüar səsləndirməsinə mane oldular və bu zaman onunla polis arasında qarşıdurma yarandı. Hər iki tərəf yerə yıxıldı. Qeyd edək ki, polislər aksiya zamanı qadınlara qarşı kobud davrandılar. Onları sürüyərək avtobuslara doldurdular.
Aksiya zamanı 100-ə yaxın müsavatçı saxlanıldı. Sonradan öyrəndik ki, onlardan 12-si avtobusla “Binə” ticarət mərkəzinə aparılaraq orada sərbəst buraxılıb. Bir qrup etirazçı isə, Arif Hacılı da daxil olmaqla, Qobustana “səyahət”ə aparılıb. Polis aksiyaçılarla bərabər “Fəvvarələr” meydanında istirahət edən vətəndaşları da ərazidən uzaqlaşdırdı. Aksiya zamanı saxlanılanlar arasında əməkdaşımız Elmin Bədəlov da olub. Onun sözlərinə görə, Səbayel rayon 8-ci polis bölməsinə aparılan aksiyaçılarla polis sərt davranıb. Mitinqdə tutulanları qruplara ayırıb bölmənin müxtəlif otaqlarına aparıblar, onların müxtəlif istiqamətlərdən şəkillərini çəkib, sonra sərbəst buraxıblar.

Həbs olunanlardan 18 nəfər məhkəməyə çıxarıldı

Müsavat Partiyasının başqanı İsa Qəmbər mitinqini bu cür dəyərləndirib: “Azərbaycanın demokratik qüvvələri bir daha iradələrini ortaya qoydular, azadlıqların genişlənməsi, sərbəst toplaşma hüququnun bərpası istiqamətində daha bir mühüm addım atıldı”.
AXCP sədri Əli Kərimli “Azadlıq” radiosuna aksiyanın uğurlu keçdiyini deyib: “Fikrimcə, aksiya uğurlu oldu. Yüzlərlə müxalifətçi "Azad seçki!", “Azadlıq!”, “Qarabağ” şüarları ilə şəhərin mərkəzində etirazlarını ifadə etdilər".
Mitinqin qətnaməsində vətəndaşların sərbəst toplaşmaq azadlığının təmin edilməsi, seçkiqabağı tam demokratik rəqabət şərait yaradılması, müxalif siyasi fəallara, müstəqil mediaya və jurnalistlərə qarşı repressiyalara son qoyulması tələb olunur.
Qeyd edək ki, mitinqi ATƏT-in Bakı ofisinin nümayəndələri də müşahidə edirdi.
Günün sonunda əldə etdiyimiz məlumata görə, Nurməmməd Xanlarov, Rüfət Hacıbəyli, Bayram Bayramov, Zaur Ağayev, İnqilab Kərimov, Ağaşirin Tarıverdioğlu, Əflatun Əhmədzadə, Dəyanət Babayev, Səfər Cavadov, Məhəmməd Məcidli, Vüqar Qədirov, Əbülfəz Qurbanlı, Məhəmməd Mərcanlı, Telman Mürsəlli, Elməddin Şükürov, Xəlil Qarayev, Vasif Alışov, Fikrət Səfərov Səbayel Rayon Məhkəməsinə aparılıblar.
Mitinq zamanı saxlanılanların ilkin siyahısını təqdim edirik:

1. Arif Hacılı - Müsavat Partiyası Mərkəzi İcra Aparatının rəhbəri
2. Pənah Hüseyn - AXP lideri, deputat (o, könüllü olaraq həbs olunanlara qoşulub)
3. Mustafa Hacılı - “Demokrat” qəzetinin baş redaktoru
4. Vəfa Cümşüdlü - Müsavat qadınlar birliyinin sədri
5. Tural Abbaslı - Müsavat gənclər təşkilatının sədri
6. Əhəd Məmmədli - Müsavat Partiyası gənclər təşkilatının sədr müavini
7. Cavid Hacıbəyli - Müsavat gənclər təşkilatının üzvü
8. Şakir Abdullayev - Müsavat Partiyası Binəqədi rayon təşkilatının sədri
9. Nəcməddin Xanlarov - Müsavat Partiyası Binəqədi rayon təşkilatının üzvü
10. Qiyas Sadıqov - AXP sədri
11. Xeyrulla Balaxanlı - Müsavat Partiyası Nəsimi rayon təşkilatının sədri
12. Hüseyn Məlik - Müsavat Partiyası Səbayel rayon təşkilatının sədri
13. Zakir Məmmədzadə - Müsavat Partiyası Nizami rayon təşkilatının sədri
14. İzzət Məmmədli - Müsavat Partiyası Cəbrayıl rayon təşkilatının sədri
15. Fəxrəddin Abbas - Müsavat Partiyası Sumqayıt şəhər təşkilatının sədri
16. Səxavət Soltanlı - Müsavat Partiyası gənclər təşkilatının üzvü
17. Tural Soltan - Müsavat Partiyası gənclər təşkilatının üzvü
18. Kərim Ağarzayev - Müsavat Partiyası Salyan rayon təşkilatının üzvü
19. Mübariz - Müsavat Partiyası Səbayel rayon təşkilatının üzvü
20. Zakir - Müsavat Partiyası Səbayel rayon təşkilatının üzvü
21. Lətafət Məlikova - Müsavat Partiyası Kürdəmir rayon təşkilatının sədr müavini
22. Bayram Bayramov - Müsavat Partiyası Səbayel rayon təşkilatının üzvü
23. Elşad Budaqov - Müsavat Partiyasının üzvü
24. Ayaz Bəyturan - Müsavat Partiyası gənclər təşkilatının üzvü
25. Əlihüseyn Ağayev - Müsavat Partiyası Xətai rayon təşkilatının üzvü
26. Elmin Bədəlov - “Yeni Müsavat” qəzetinin əməkdaşı
27. Yaşar Türkazər - Müsavat Partiyası Sabunçu rayon təşkilatının üzvü
28. Fikrət Cəfərov - KXCP üzvü
29. Yusif Məcidov - AXCP üzvü
30. Bəybala Əbil - KXCP sədrinin müavini
31. İsmayıl Yusifov - KXCP sədrinin müavini
32. Xəzər Teyyublu - KXCP təşkilat şöbəsinin müdiri
33. Fikrət Cəfərov - KXCP
34. KXCP- Cavid Uranqan
35. KXCP- Elman Türkoğlu
36. KXCP- Rəşid Hacıyev
37. KXCP- Şirin Cəfərli
38. KXCP- Ağamusa Ağayev
39. Fuad Qəhrəmanlı (AXCP sədrinin müavini)
40. Sahib Kərimov (AXCP sədrinin müşaviri)
41. Gözəl Bayramlı (AXCP Ali Məclisinin sədr müavini)
42. Asif Yusifli (AXCP sədrinin müşaviri)
43. Solmaz Hüseynova (AXCP Qadınlar Şurasının sədri)
44. Ramiz Kamal (AXCP rayon şöbəsinin sədr müavini)
45. Aydın Əliyev (AXCP rayon şöbəsinin sədri)
46. Şakir Abbasov (AXCP rayon şöbəsinin sədr müavini)
47. Vaqif Xalıqov (AXCP rayon şöbəsinin sədri)
48. Məhəmməd Məcidli (AXCP BDU şöbəsinin sədri)
49. Teyyub Xəlilov (AXCP rayon şöbəsinin sədri)
50. Səttar Şahlarov (AXCP rayon şöbəsinin sədri)
51. Tofiq Zeynall (AXCP sədr Aparatının üzvü)
52. Arzuman Məcidli (AXCP NTK üzvü)
53. Əbülfəz Qurbanl (AXCP GK sədri)
54. Vüqar Qədirov (AXCP üzvü)
55. Cəfər Baxşiyev (AXCP üzvü)
56. Əflatun Əhmədzadə (AXCP üzvü)
57. Ülkər Əhmədzadə (AXCP üzvü)
58. Arif Zeynalov (AXCP üzvü)
59. Siyab Sarıyev (AXCP üzvü)
60. İnqilab Kərimov (AXCP üzvü)
61. İltifat Mehdiyev (AXCP üzvü)
62. Məcid Mərcanlı (AXCP üzvü)
63. Ağaşirin Tarverdioğlu (AXCP üzvü)
64. Tofiq Zeynallı (AXCP üzvü)
65. Hidayət Süleymanov (AXCP üzvü)
66. Elçin Dəmirli (AXCP üzvü)
67. Mirmehdi Abbasov (AXCP üzvü)
68. Dəyanət Babayev (AXCP GK)
69. Kamran Sanatürk (AXCP GK)
70. Fədai Tağıyev (AXCP üzvü)
71. Kamran Əhmədov (AXCP üzvü)
72. Zaur Ağayev (AXCP üzvü)
73. İsmayıl İsmayılov (AXCP üzvü)
74. Xalid Qarayev (AXCP GK)
75. Elməddin Şükürov (AXCP üzvü)
76. Vasif Alışlı (AXCP GK)
77. Elmar Mürsəlli (AXCP GK)
78. Mikayıl Bəybala (AXCP üzvü)
79. İmran Hüseynov (AXCP üzvü)
80. Vahid Hüseynov (AXCP üzvü)
81. Məhəbbət Ağayev (AXCP üzvü)
82. Zöhrab Qasımlı (AXCP üzvü)
83. Mübariz Kərimov (AXCP üzvü)
84. Yusif Hacıyev (AXCP üzvü)
85. 
    

Leyla İLQAR, Emil SALAMOĞLU, Elmin BƏDƏLOV

MİTİNQ KOMİTƏSİ TOPLANDI

14.04.2011 [14:4]

Son xəbər

MİTİNQ KOMİTƏSİ TOPLANDI

Aksiyaya icazə verilməsə...

İctimai Palatanın mitinq komitəsi bu gün Klassik Xalq Cəbhəsi Partiyasının qərargahında iclas keçirib. KXCP mətbuat xidmətindən verilən xəbərə görə, iclasda 17 aprel mitinqinə hazırlıq məsələsinə baxılıb. Komitə “Nərimanov” kinoteatrının qarşısındakı meydanda mitinqə icazə verilməyəcəyi halda İctimai Palatanın aksiyasının həmin gün saat 16.00-da “Sahil” bağında keçirilməsi məsələsini müzakirə edib və müsbət qərar verib.

Mitinq komitəsinə Müsavatdan Hüseyn Məlik, AXCP-dən Asif Yusifli, KXCP-dən Fikrət Cəfərov, AMİP-dən Əli Orucov daxildir.

E.SEYİDAĞA

“Fədakar cəbhəçilər ortaya mövqe qoyacaq“

CÜMƏ, 26 OKTYABR 2012 15:40

2000-ci ildə AXCP-nin parçalanması ilə Azərbaycan müxalifəti çox böyük zərbə aldı. Qarşılıqlı ittihamlar, yersiz münasibətlər müxalifət daxilində problemlər yaratdı. Elçibəyin vəfatından, intriqalardan, parçalanmadan sui-istifadə edib, girəvəyə salıb partiya sədri olanlar da oldu".

Bu açıqlama ilə "Demokratik Birlik" fraksiyasının təsisçisi Fikrət Cəfərli çıxış edib. O, Teleqraf.com-a açıqlamasında bildirib ki, o zaman baş verən proseslərin mahiyyəti tam aydın olmasa da, sonradan bəlli oldu ki, bu parçalanma müxalifətin məğlubiyyətinə səbəb olan əsas faktorlarından birinə çevrilib: "Lakin zaman və reallıq sübut edir ki, eyni siyasi, mənəvi yükə malik olan və kimlərinsə yersiz hikkəsi hesabına parçalanan müxalifətin əsas qüvvələrinin - AXCP və KXCP-nin birləşməsi, vahid bir gücə çevrilməsi müxalifətin gələcək qələbəsində əsas rol oynaya bilər. Bu gün müəyyən dairələrdən qopa bilməyən şəxslərdən başqa hamı bu parçalanmadan təəssüflənir. AXC lideri Elçibəyin təşkilatının mübariz və əqidəli üzvləri həmişə mübarizə meydanında olub və bu gün də həmin mübarizə yolunda mətin addımlarla addımlayırlar. İndi kimin bu mübarizədən necə və hansı formada çəkindiyi açıq-aydın görünür. Artıq 2000-ci il deyil. İnsanları xurafatla,"vəhylə" telepatik üsullarla aldatmaq, siyasətdə kiminsə öz çirkin niyyətini söz oynatmaqla reallaşdırması da mümkün deyil.Zaman hər şeyin üzərinə işıq salıb.İnanıram ki, KXCP-nin fədakar üzvləri bu məsələyə biganə qalmayıb mövqelərini ortaya qoyacaqlar".

Azadlıq qəzeti

Müxalifətdə yeni birlik təşəbbüsü dəstək qazanır

KXCP və AXCP funksionerləri partiyaların birləşməsi ideyasını mümkün sayırlar

4/9/2012 [11:55] 

Ötən həftə Klassik Xalq Cəbhəsi Partiyasının (KXCP) sədr müavini Qaya Əliyev KXCP və Azərbaycan Xalq Cəbhəsi Partiyasının (AXCP) birləşməsi barədə təklif irəli sürüb.

Hər iki tərəfdən bu təklifə reaksiyalar açıqlanmağa başlayıb. KXCP sədrinin digər müavini Rüfət Sahiboğlu Q.Əliyevin çağırışını dəstəkləyib və birliyin daha geniş formatını təklif edib. O, Elçibəy və Rəsulzadə ideya siyasi xəttini yürüdən və əsasən sosial bazası eyni olan Müsavat, AXCP və KXCP-nin birliyinin vacib olduğunu vurğulayıb. 

İctimai Palatanın Korrdinasiya Şurasının üzvü, KXCP sədinin müavini Ədalət Yusibov da silahdaşlarının təklifini təqdir edib: “Qaya Əliyevin şəxsinə və savadına kifayət qədər böyük hörmətim var. Onun təklifinə gəlincə, nəinki KXCP və AXCP-nin, bütövlükdə Rəsulzadə-Elçibəy yolunda olan fərdlərin, siyasi qüvvələrin, partiyaların bir təşkilatda birləşməsi mənim arzumu ehtiva edir. Vahid təşkilatda birləşməkdən daha çox vahid platformada bir yerdə olmaq zərurətindən çıxış etmək olar. Eyni zamanda bir formatda olub, vahid təşkilatda birləşməyin perspektivini müzakirə etmək olar. Bu, gələcəyin işdir. Mən, bu birliyi mümkün hesab edirəm. Zamanın əhəmiyyət və darlığını nəzərə alıb bir formatda biləşməyi daha məqsədəuyğun hesab edirəm”. 

Onun sözlərinə görə, Rəsulzadə-Elçibəy yolunda olan bütün partiyaların daha böyük birliyinin yaradılmasına ehtiyac var: “Təbii ki, oraya Müsavat, KXCP, AXCP daxildir. Mən bu məsələyə optimist yanaşmışam, bu gün də optimizmimi saxlayıram. Hesab edirəm ki, müxtəlif formatlarda dayansaq da, bir araya gəlməyin mümkündür. Hesab edirəm ki, bu ideya bir gün baş tutacaq”. 

“Müsavat funksionerinin KXCP -nin İctimai Palatada təmsil olunan AXCP və Müsavatla iş birliyi üçün bu quruma üzv olması baxrədə təklifi əsas götürülə bilərmi sualına” cavabında Ə. Yusibov deyib: “Söhbət ümumiyyətlə formatdan gedir. Hər kəsin müəyyən fikri ola bilər. Mən özüm İctimai Palatanın Koordinasi Şurasının üzvüyəm, Rüfət Sahiboğlu da İctimai Palatanın üzvüdür. Mümkün variant və formatın hansı uyğundursa, daha asan başa gələni nədirsə onun üzərində dayanmaq daha yaxşı olardı”. (teleqraf.com) 

KXCP sədrinin müavini Fikrət Cəfərov isə deyib ki, Qaya Əliyevin KXCP və AXCP-nin birləşməsi ilə bağlı etdiyi təklif nə köhnədir, nə də yeni. «Bu təklif Müsavat başqanı İsa Qəmbərin, AXCP sədri Əli Kərimlinin və KXCP sədri Mirmahmud Mirəlioğlunun ayrı-ayrı vaxtlarda rejimə qarşı mübarizənin effektli yolunun Xalq Hərəkatının yaranması ilə bağlı etdikləri təkliflərə bir cavab olaraq yenilənib.Bu təklifin reallaşması Xalq Hərəkatının yaranması və rejimin müxalifəti parçalayıb hökm sürmə siyasətinə bir gənc və prespektli siyasətçinin mövqeyidir. Hesab edirəm ki, müxalifətin son 15-20 illik keçdiyi yol Azərbaycan demokratik qüvvələrinin Xalq Hərəkatının yaranmasında açar rolunu oynaya biləcək bu üç qüvvənin birləşməsində maraqlı olmalıdırlar. Qalibiyyət ruhdan keçir. Bu birlik milli ruhun oyanmasında bir təkan ola bilər»-deyə Fikrət Cəfərov vurğulayıb.

Xatırladq ki, AXCP-dən sədr müavinləri Fuad Qəhrəmanlı, Nürəddin Məmmədli bu barədə mövqe açıqlayaraq birlik təşəbbüsünü müsbət dəyərləndiriblər. 

Xəbər Xidməti

Mirmahmud Mirəlioğlu müavinsiz qalıb

KXCP sədrinin daha bir müavini də istefa verdi

Qaya Əliyev: «Müavinlərin istefası KXCP-dəki patriarxın payızının gəldiyini xəbər verir»
4/10/2012 [10:57] 

KXCP sədrinin daha bir müavini Fikrət Cəfərov istefa verib. O, partiyanın ictimai əlaqələri üzrə məsul idi və son vaxtlar təşkilat daxilindəki anti-demokratik vəziyyətdən, partiyanın siyasi kursundan narazılıq edirdi. F.Cəfərov «Demokratik Birlik» fraksiyasının üzvü olmaqla müxalifətin birləşməsinə, KXCP daxilində demokratikləşmə sürəcinin aparılmsına çalışırdı. O, APA-ya açıqlamasında deyib ki, vəzifəsindən getməsinə səbəb yeni yaradılan “Demokratik Birlik” fraksiyasına daha çox vaxt ayırmaq olub: “Müavinlik vəzifəm fraksiyada çalışmağıma mane olurdu. Fraksiyanın fəaliyyətinə daha geniş vaxt ayırmaq müavinlikdən istefa verməyi qərara aldım”. Fikrət Cəfərov yaxın vaxtlarda partiyadan başqa istefaların da gözlənildiyini deyib. Xatırladaq ki, bundan əvvəl partiya sədrinin müavini Ədalət Yusibov istefa verdiyini bəyan etmişdi. O. «Demokratik Birlik» fraksiyasının üzvüdür və açıqlamasında fəaliyyətini bu qurumda davam etdirdiyini vurğulayıb.  

Xatırladq ki, KXCP-də ilk dəfə müxalifətin birləşməsi və demokratikləşmə təşəbbüsü çıxış edən sədrin beynəlxalq məsələlər üzrə müavini Qaya Əliyev müavinlikdən və partiya üzvlüyündən uzaqlaşdırılıb. Q.Əliyev hazırda «Demokratik Birlik» fraksiyasının aktiv üzvlərindəndir. 

O, Fikrət Cəfərovun istefası ilə bağlı «Bizim Yol»a deyib ki, baş verənlər KXCP rəhbərliyinin yürütdüyü anatidemokratik və savadsız siyasətin fiaskosudur: «Yarpaqların tökülməsi payızın gəməsinin əlamətidir. Müavinlərin istefası da KXCP-dəki patriarxın payızının gəldiyini xəbər verir. Nuh bəşəriyyəti gözləyən fəlakəti görüb preventiv addım kimi gəmi inşa etdi. Biz də rəhbərliyin partiyanıs sürüklədiyi fəlakəti görüb «Demokratik Birlik» fraksiyasmını yaratmışıq. Fraksiyamız Nuhun gəimisi kimidir. Kim xilas olmaq istəyir gəlsin. Fikrət Cəfərov atdığı addımla sübut etdi ki, rəhbərlikdəki bəzi şəxslərdən fərqli olaraq onun statusa yox, statusun ona ehtiyacı var».

Elmar
Bizim yol

Qeydiyyatsız QHT-lər bir araya gəldi

11 Yanvar 2011 - 20:27Oxunma sayı: 331

Onlar Ədliyyə Nazirliyinə müraciət ünvanlayıblar

Bu gun RATİ-nin ofisində Qeydiyyatından imtina olunmuş QHT-lərin Əlaqələndirmə Şəbəkəsinin növbəti toplantısı keçirilib. Əlaqələndirmə Şəbəkəsinin koordinatoru Fikrət Cəfərovun bildirdiyinə görə, 40 yaxın QHT təmsilçicinin və media nümayəndələrinini qatıldığı tədbirdə QHT-lərin qeydiyyat problemi müzakirə olunub. Məsələ ilə bağlı Demokratik İslahatlar Uğrunda Cəmiyyətin sədri Oqtay Gülalıyev toplantı iştirakçılarına geniş bilgə verib. Sonra müxtəlif çıxışlar olub və təkliflər səsləndirilib. Toplantıda Əlaqələndirmə Şəbəkəsinin növbəti toplantısının yanvarin 28-də keçirilməsi qərara alınıb. Eyni zamanda tədbirdə Ədliyyə Nazirliyinə və QHT-lərə Dövlət Dəstəyi Şurasına qeydiyyat probleminin aradan qaldırılması üçün birgə işçı qrupunun yaradılması barədə müraciət qəbul olunub.

Axar.az

"Qeydiyyatsız"larin üsyanı...

11 Avqust 2010 - 17:02Oxunma sayı: 389

 Fikrət Cəfərov: “Nazirlik doğrudan da ayrı-seçkiliyə yol verməyibsə, onda qoy qeydiyyata aldığı QHT-lərin siyahısını açiqlasın”

Qeydiyyatından İmtina Olunan QHT-lərin Əlaqələndirmə Şəbəkəsi Ədliyyə Nazirliyini QHT-ləri dövlət qeydiyyatına almamaqda günahlandırdığı və etiraz aksiyalarına hazırlaşdığı bir vaxtda nazirlik ilin birinci yarısında görulən işlərlə bağlı məlumat açıqlayıb. Məlum olub ki, Ədliyyə Nazirliyi bu ilin ilk altı ayı ərzində 87 QHT-ni dövlət qeydiyyatına alıb.

QHT-lər Fikrət Cəfərovu qınadı

07 İyul 2010 - 21:40Oxunma sayı: 359

Müsabiqələrdə layihələri keçməyən və dövlət qeydiyyatına alınmayan bəzi QHT-lər Prezident yanında QHT-lərə Dövlət Dəstəyi Şurasına qarşı ittihamları davam etdirirlər. Qeydiyyatından İmtina Olunan QHT-lərin Əlaqələndirmə Şəbəkəsinin koordinatoru Fikrət Cəfərov mətbuata müsanibəsində Dövlət Dəstəyi Şurasını  qeydiyyat məsələsinin həllində onlara kömək etməməkdə, qurumu üzərinə düşən vəzifələri yerinə yetirə bilməməkdə, Şura rəhbərliyini özünə yaxın təşkilatlara maliyyə ayırmaqda ittiham edib. Onun fikrincə, Şura barədə mətbuatda müsbət fikir söyləyən QHT rəhbərləri tapşırıqla hərəkət edirlər.  
Belə ittihamları əsassılz sayan bir sıra QHT rəhbərləri Modern.az-a açıqlamalarında III sektor təmsilçilərini Dövlət Dəstəyi Şurasına qarşı iftiralara son qoymağa çağırıblar.

Məqsəd 2013-cü il seçkiləridir

ÇƏRŞƏNBƏ, 22 AUGUST 2012 08:20

Azadlıq qəzeti

Siyasilər və ictimai xadimlər prokurorluğun açdığı cinayət işini hakimiyyətin növbəti seçki şousu sayır

Hafiz Hacıyevin mərhum prezident Əbülfəz Elçibəyin zəhərlənməsi iddiasına ictimai-siyasi xadimlər, ziyalıların sərt reaksiyası davam etməkdədir. Bu gün də diqqətinizə cəmiyyətdə tanınmış şəxslərin münasibətini təqdim edirik. Müsahiblərimiz hesab edir ki, hakimiyyət bununla 2013-cü il prezident seçkilərinə start verib:

Əli Kərimlinin nüfuzu daha da qalxacaq

VAMBP sədri Hacıbaba Əzimov bildirdi ki, Elçibəyin zəhərlənməsi iddiası və bunu prokurorluğun ciddiyə alması absurddur və daha çox siyasi məqsədlərə xidmət edir:

- Birincisi Hafiz Hacıyevin belə bir iddia ilə çıxış etməyə ixtiyarı yoxdur. Ikincisi Hafiz Hacıyevin qeyri-ciddi adam olduğunu hamı çox gözəl bilir. Əgər prokurorluq bu cür absurd iddiaları qəbul edirsə, bəs vaxtı ilə mənim və bir neçə başqa ziyalımızın Polad Bülbülolğu barədə iddiasını niyə qəbul etmədi. O zaman Ermənistan və Qarabağdan səfərdən qayıdan Polad Bülbüloğlu Qarabağın ermənilərə verilməsinin təbliğatını aparırdı. Hafiz Hacıyevin əliylə bu təbliğat bilərəkdən aparılır. Qarşıdakı hədəf Əli Kərimlidir. Əli Kərimliyə qarşı bu cür kampaniyanın aparılması təsadüfi deyil. 19-cu əsrin sonu 20-ci əsrin əvvəlində Almaniyanın məhşur sosial demokratı Avqust Babeldən soruşmuşdular ki, nəyə görə siz həmişə hədəfə alınırsınız. O, bildirmişdi ki, deməli mən fəaliyyət göstərirəm, mücadilə aparıram ki, mənim barəmdə danışırlar. Əli Kərimli də son illər hakimiyyətə qarşı mübarizədə ardıcıl, prinsipial iştirak edib. Hakimiyyətin siyasətinin ifşa edilməsində onun xüsusi rolu var. Əli Kərimlinin cəmiyyətdə, ziyalılar arasında nüfuzunun böyük olması üzündən o hədəfə çevrilib. Əslində bu cür addımları ilə hakimiyyət təmsilçiləri dövlət başçısına “ayı xidməti” göstərirlər. Əli Kərimlinin ona qarşı aparılan kampaniyadan əksinə hörməti daha da qalxır. Yaxşı olardı ki, Əli Kərimliyə və başqa ziyalılarımıza qarşı aparılan bu cür çirkin addımlar dayandırılaydı. Bu kampaniya ilə Əli Kərimliyə heç nə etmək olmaz. Çünki onun arxasında xalq və böyük demokratik düşərgə dayanıb.

Əli Kərimli Elçibəyin ən çox hörmət bəslədiyi silahdaşı olub

IP Koordinasiya Şurasının üzvü Köçəri Nağıbəyli də hesab edir ki, H.Hacıyevin iddiası müxalifətə qarşı yönələn növbəti iyrənc kampaniyadır:

- Elçibəyin ailəsi bu məsələdə iddiaçı olmadığı halda, əksinə buna qarşı çıxdığına görə müraciətin heç bir hüquqi əsası yoxdur. Bununla iqtidar bir daha öz simasını göstərir. Bu hakimiyyətin növbəti təxribatıdır. Əli Kərimli Elçibəyin ən çox hörmət bəslədiyi silahdaşlarından biri olub. Hakimiyyət yenə də bəzi insanların əli ilə müxalifəti, AXCP sədri Əli Kərimlini hədəf seçir. Bu cür iddiada bulunmaq Elçibəyin ruhuna qarşı hörmətsizlik, alçaqlıqdır. Əgər Elçibəyin qatilini axtarmaq istəyirlərsə onu türk dünyasının liderinin yaxın ətrafında deyil, hakimiyyətdə axtarsınlar.

Hakimiyyət anlayır ki, ən ciddi maneə məhz Əli Kərimlidir

IP üzvü Mahal Ismayıloğlu da düşünür ki, əslində H.Hacıyev kimi bir şəxsin gözlənilmədən bu cür məsələ ilə gündəmə gəlməsi təsadüfi deyil və sırf seçkilərə hesablanmış addımdır:

- Qarşıdan seçki gəlir və hakimiyyət də bu seçkiyə özünə məxsus formada hazırlaşır. Əli Kərimlinin isə hədəf seçilməsi təəccüblü deyil. Əli Kərimli bu dəfə prezidenliyə namizəd olacaq. Çünki onun buna tam haqqı çatır. Bundan əvvəl o gənc siyasətçi kimi özündən böyüklərin yolunu kəsməyib. Hakimiyyət anlayır ki, onun üçün ən ciddi maneə məhz Əli Kərimlidir. Düşünürəm ki, bu cür absurd iddialar hələ seçkiyə qədər davam edəcək. Amma bütün bunların heç bir gələcəyi yoxdur, çünki olduqca gülüncdür.

Seçki öncəsi şou

Tanınmış hüquqşünas Ənnağı Hacıbəyli vurğuladı ki, Elçibəyin adının gözlənilmədən gündəmə gətirilməsi ounun təəssübkeşliyini çəkmək məqsədi yox, prezident seçkilərinə hazırlıq məqsədi daşıyır:

- Güman ki, bunu gələcəkdə prezdent seçkilərində iştirak edəcək şəxslərə qarşı başladılacaq kampaniyanın əvvəli də saymaq olar. Yaxın bir il ərzində çoxlu belə sərsəm iddiaların şahidi olacağıq. Hüquqi baxımdan bunun heç bir əsası yoxdur. Digər tərəfdən Elçibəyin ailə üzvləri də bu məsələyə etirazını bildiriblər. Düşünürəm ki, bu sadəcə olaraq bir seçki öncəsi şoudur.

Müxalifətə qarşı təxribat

ADP sədrinin müavini Həsrət Rüstəmov da bundan əvvəl münasibətini öyrəndiyimiz həmkarlarının fikirlərini təkrarladı. Onun da fikrincə, reallıqdan uzaq bu kampaniyaya ciddi reaksiya verməyə dəyməz:

- Başdan ayağa qondarma iddialardır. Öncə onu qeyd edim ki, Hafiz Hacıyev Əbülfəz Elçibəyi sevənlər sırasına daxil deyil. Bu növbəti dəfə müxalifətə qarşı yönələn təxribatdır. Demokratik düşərgəyə qarşı bu cür ittihamlar çox olub. Bununla iqtidar ictimaiyyətdə müxalifət barəsində qeyri-ciddi obraz yaratmağa çalışır. Amma bu addımın heç bir uğuru ola bilməz. Düşünmürəm ki, biz bu kampaniyanı ciddiyə almalıyıq. Sadəcə olaraq hakimiyyət seçki ərəfəsində müxalifət qarşısında ideoloji üstünlük əldə etməyə çalışır. Bununla hakimiyyət beynəlxalq mətbuatda barəsində korrupsiya, rüşvət və çirkli pullar ilə bağlı informasiyanı unutdurmağa çalışır. Amma hər bir halda əgər bu məsələ ciddiyyət qazanarsa, bütün müxalifət olaraq buna qarşı çıxmalıyıq.

Hüquqi prinsiplərdən uzaq müraciət

Irəli sürülən iddianın heç bir mənasının olmadığını deyən Ümid Partiyasının sədri İqbal Ağazadə bildirdi ki, eyni zamanda iddia irəli sürülərkən hüquq prinsipləri də pozulub:

- Hüquq-mühafizə orqanlarının müraciətdə ciddilik axtarması, öncə hüquqi prinsiplərə söykənməli idi. Bu müraciətin heç bir hüquqi əsaslandırması yoxdur. Əgər heç bir sübut yoxdursa və fakt olmadan prokurorluq cinayət işi qaldırırsa, bunu ciddi hadisə saymaq olmaz. Ona görə baş verəni ciddi olay yaradan hadisə saymaq olmaz. Kimsə baş qatmağa cəhd edə bilər. Düşünürəm ki, demokratik təfəkkürlü insanlar bu iddiaları ciddi qəbul etməyəcək.

Hakimiyyətin növbəti layihəsi

VIP sədri Əli Əliyev bildirdi ki, H.Hacıyevdən birinci dəfə deyil ki, bu cür böhtan mənalı fikirlərin yayılmasında istifadə olunur:

- Bu şəxsdən mütəmadi olaraq seçkilər ərəfəsində müxalifətə qarşı istifadə edirlər. Bu dəfə də onun ortalığa çıxması hakimiyyətin müəyyən planında iştirak etmək məqsədi daşıyır. Əli Kərimlinin bu məsələdə hədəf seçilməsi layihənin tərkib hissəsidir. Düşünürəm ki, bu kampaniyanı ciddiyə almağa dəyməz. Çünki onu yayan şəxs cəmiyyətə yaxşı məlumdur.

Növbəti prezident seçkisinə hesablanan addım

KXCP sədrinin müavini Fikrət Cəfərov irəli sürülən ittihamın qeyri-ciddi olmasına baxmayaraq, əsas məqsədin 2013-cü il seçkiləri ərəfəsində müxalifəti hədəfə çevirməkdir:

- Əlbətdəki bu qeyri-ciddi iddiadır və Əbülfəz bəyin ruhuna hörmətsizlikdir. Belə bir aksiyanı təşkil etməklə hakimiyyət cəmiyyətdəki proseslərin qızışmasının qarşısını almağa çalışır. Bu kampaniyada müxalifətə qarşı qurulub və növbəti prezident seçkilərinə hesablanıb. Amma indidən bu kampaniyanın iflasa uğradığını söyləmək olar.